Hymne à la Vierge
par GRINGOIRE, Pierre (1475-1538), poète français
Hymne à la Vierge
Dame d’honneur par-dessus les estoiles
Exaltée es très glorieusement,
Allactté as de tes sainctes mamelles
Celuy qui t’a creé providamment.
Par le fruit que mangea nostre grand’mere
Du lieu de paix fusmes privez jadis,
Mais ton sainct fruit nous oste de misere
En nous rendant la joye et paradis.
Tu es la porte où passa le hault roy
Porte doree et toute lumineuse.
Quand il nous vint tous mettre hors d’esmoy :
Toutes gens donc faites chere joyeuse.
Pierre GRINGOIRE.